第二天, 博多運河城,天神,屋台
第二日起身我哋去對面嘅 Seattles Cafe 吃早餐, 依間咖啡店有好多分店( 九州 ), 但我覺得早餐唔係太多選擇.
Seattle's Best Coffee 博多筑紫口店
http://www.seabest.co.jp/shop/area07.html#shop05
100 Yen巴士
醫完肚之後我哋就沿路行去博多車站100 Yen巴士站。去到之後發現網上面嗰個地點同真實個地點有少少出入, 所以我改正番個地圖 ( 紫色箭咀才是真實站點):
http://www.nishitetsu.jp/bus/rosen/100.html
運河城
運河城不用我多介紹，係到福岡必去景點。但我真的估唔到佢咁大，大得很誇張， 大到一日都行唔晒...除左購物重有噴水池又有表演睇，真係樂而忘返。
建議大家帶多啲錢同埋預留多啲時間係到.......
期待已久嘅JUMP SHOP!!~~
因為佢會係3月1號搬遷所以好多貨都冇⋯⋯
下晝就食咗依間係"拉麵競技場"嘅拉麵店 "氣仙沼海鷗食堂"。食完之後先發現其實成間商場有好多好多其他種類嘅嘢食.....好後悔。
https://canalcity.co.jp/zh-tw/shop/detail/454
天神地下街
行完運河城之後呢我哋就搭番100 Yen 巴士去天神地下街。唔知係咪行完 Canal City 有啲攰所以行天神地下街嘅時候都行得好慢.....
路過見到有個好靚嘅蘋果批, 所以買咗一個嚟食非常好味。
https://ringo-applepie.com/shop/
上網research個係天神地下街附近有間書店(TSUTAYA)所以趁有機會就去參觀一下。
原來依間書店呢系有二手書賣架超正呀超平！
屋台
晚餐我哋今日揀咗屋台。晚飯時間屋台都非常之多人, 好彩個老闆非常之好人，幫我地同其他客人溝通蹆空位比我地，仲要幫我地收好背囊！唔推介對唔住自己！
店名係- 宗
老闆與助手
應該好多名人嚟過
食物非常好味，全部都即叫即煮，不過略嫌鹹味重了少少，不過依個亦係九州嘅特色之一。
http://yatai.fukuoka.jp/fukuokaeki/mune
福岡自治州福岡中央渡邊通 4-丁目紙信用天神大廈東
