山寨，盜版，抄襲？還是你雙重標準?

成日聽到有人説某某國家嘅產品質量差，而且只懂抄襲別人，堅決拒絕使用所有該國的產品。

每個人都有佢選擇的自由，我絕對尊重。

但對於反對的理由，我就有點意見。我不討論質量，反而想探討一下大家對抄襲嘅概念。

首先我絕對反對將別家產品改一下logo（或者連logo也不改）就推出市場的行為，我會稱這為不負責任的盜版。

但如果純粹抄襲（參考）別人嘅概念，推出一些類似嘅產品，你問我這算不算盜版？我又覺得絕對有商榷餘地。

讀者可能有疑問，咁都唔算？什麼是知識版權呀？說真的我並不是知識版權嘅專家，亦不打算以法律嘅角度去理解這件事。反而我想分享一些，你，同我都可能經歷過，最經典嘅盜版/山寨產品：

鐘錶

其實我都只係啱啱開始留意名貴嘅鐘錶市場，但發現非常相似既同類產品，真係比比皆是。

Rolex vs Seiko

Patek Philippe vs Audemars Piguet vs Maurice Lacroix

了解多咗你就會明白，係唔同嘅產業，一些一般認為很尊重知識版權嘅產地，係某一個專業，當自己也只是初哥，咁無可厚非，佢都只可以用推出相類似但價錢更平嘅方法去打入市場。

我相信有番咁上下年紀嘅讀者，都會同我有差唔多既經歷，跟父母撒嬌買玩具時，父親總是不買日本原裝，而係買比較平宜的台版玩具。

我哋童年時生活質素冇而家咁好，所以父母選擇一些比較便宜嘅選項，我絕對理解。

想像一下，現在你在某個沒有那麼資源豐富既國度，買了一些沒有版權的玩具給小朋友，是否一樣值得原諒？

Leica vs Fujifilm x100

跟鐘錶世界一樣，在某特定領域，只要你不夠強，唯有向領導者致敬。

唔同國家，唔同時代，唔同既產業都會出現不同程度的仿製品。只要不是純粹欺騙，存心矇混消費者，我覺得不算是什麼盜版。

最重要嘅係，千萬不要單純以產地作為評論標準。

Ref:

https://theupgreater.com/affordable-rolex-submariner-homage-alternative/

https://theupgreater.com/best-audemars-piguet-royal-oak-homage-alternative/

https://techcrunch.com/2011/03/07/look-a-fujifilm-x1000-next-to-a-leica-m3/